Nais

Nais kong tumibok ang puso
At mabuhay sa iyong pagsuyo,
Kung gaanong nais ng dagat ang umalon,
Ganoon ko nais na sa piling mo’y paampon.

Nais kong hawakan ka
At maglakbay na lagi na,
Kung gaanong nais ng hanging hipan ang ulap,
Ganoon ko nais na ikaw ay mayakap.

Nais kong ‘wag kang lumayo
At pagpitik ng damdamin ay ‘wag huminto,
Kung gaanong nais ng halaman ang tubig,
Ganoon ko nais na sa iyo ay umibig.

Nais kong sa pagtanda’y kasama ka
At ‘di na muling mag-iisa,
Na kung gaanong nais ng ibong lumipad,
Ganoon ko nais na mundo ko ay umusad.
-gerald
01 November 2007

the author

About this entry

You’re currently reading “Nais,” an entry on ...iyo kailan pa man

Published:
1 November, 2007 / 7:06 am
Category:
...sa aking pagsulat, 2007
Tags: